偉人論，退休生活計算?!(白話) @ 樹蔭下的我倆

我屋企有個偉人。
係佢自己覺得自己做既野最好，行既路最好！（我真係想串佢～咁叻你唔買樓！？）

最近阿偉人話要我同媽媽學車。
其實我好耐之前都考慮過學私家車學綿羊仔，不過計過條數覺得無呢個需要。
停車場＋街泊＋油錢＋保險等等，平均一個月$4000-$5000，
而且我當初想學係有機會去旅行的話可以自駕車旅遊。
（不過呢個想法已經係我四五年前既事，依家覺得無需要。）

但係，最重要唔係學車，而且偉人想我考完私家車，再考巴士，做巴士司機。女仔做巴士司機？
要我媽考完私家車，再考埋的士牌。（我地叫呢Ｄ做意想天開！就係唔實際。）
所以，偉人一見到我們就一味要我們聽佢講偉論！

頭先仲同我講，話自己係專業人士，專業既職業司機！！

另一個偉人針對既熱門話題，就係話我媽呢份工做唔到幾耐，依家都快五十。
好快就無得做，問我養唔養得起。又話ＭＰＦ得果咁少錢之類！（千其唔好睇少自己MPF既升價能力。）
於是我們就認真計計，要多少錢先足夠你的退休生活呢？！

不過，其實退休大計呢樣野我認真考慮計算已經做左個長遠計畫。
就以我媽媽作為計算：
當作依家儲蓄既錢係FOR買樓，由三年後開始儲蓄到六十歲計（約八年時間）
以每月儲蓄$5000X13=$65000(一年)X8=$520000
未計呢舊錢到時可能會投資定期或外幣,更可能投資iBond(通脹掛鉤債券)或月供股票既從中獲利。

以上計算未計MPF，如果以十年自行短炒轉換組合的話，最少有$300000(到60歲推算)，
如果60之後仍然可以繼續工作的話，(到65歲推算)最少有$350000
上述推算未計算股市上升和當時的通帳指數等等。